mk.am

Tagged: Արմեն Մովսիսյան RSS

• 

  mk 00:59:48 on August 30, 2008 Permalink | Reply
  Tags: baby (8), Արմեն Մովսիսյան   

  Օրօրոցային // Արմեն Մովսիսյան 

  

  Օրորոցային // Արմեն Մովսիսյան

  Երգեմ բալես քնի՝ անուշ քնով
  Նայեմ խաղաղ դեմքին լուսնյակի լույսով
  Երգեմ բալես քնի՝ մանկական քնով
  Նայեմ խաղաղ դեմքին լուսնյակի լույսով

  Թաթիկներդ համբուրեմ, հայրական սիրով
  Նշխարե աչուկներդ սիրեմ քնքշանով
  Թաթիկներդ համբուրեմ, հայրական սիրով
  Նշխարե աչուկներդ սիրեմ քնքշանով

  Երգեմ բալես քնի՝ ծաղկաբույր քնով
  Երազներդ բարուրեմ մանուշակներով
  Երգեմ բալես քնի՝ ծաղկաբույր քնով
  Երազներդ բարուրեմ մանուշակներով

  Գարնան բույրդ շնչեմ՝ անհագուրդ սիրով
  Խոռոտիկ գիշերդ շոյեմ երգերով
  Գարնան բույրդ շնչեմ՝ անհագուրդ սիրով
  Խոռոտիկ գիշերդ շոյեմ երգերով

  Երգեմ բալես քնի՝ մանկական քնով
  Երգեմ բալես քնի՝ ծաղկաբույր քնով

  [ mp3 | 3.7Mb ]

  Сизиф, mk, and 3 others are discussing. Toggle Comments

   
  • 

    Сизиф 12:59:28 on September 10, 2008 Permalink | Reply

    Բա ես ինձ թույլ կտա՞մ էդքան լավ երեխու համար էդ տիպի օրորոցային գրեմ: :))

    • 

      mk 13:13:23 on September 10, 2008 Permalink | Reply

      Դե կարողա ուղղակի միտքը եկավ, իսկ կապը իրար մեջ չկա… Կարողա դու միտքը ունեիր ես տեսար որոշեցիր օրօրոցայինի ֆորմատով գրես… (;

      • 

        Сизиф 14:35:39 on September 10, 2008 Permalink | Reply

        May be, may be… ;)

  • 

    Сизиф 12:37:57 on September 10, 2008 Permalink | Reply

    Վայ, էս ոնց էի բաց թողե՜լ… տափակ կապիս պատճառով… Աչքերդ լույս, էս ինչ սիրուն բալիկ է… :))

    • 

      mk 12:40:49 on September 10, 2008 Permalink | Reply

      Շնորհակալություն, Սիզիֆ ջան, ես ել գիտեի էն քո օրօրոցայինը սրանից դրդվելով ես գրել… (о;

  • 

    manushak 09:40:11 on September 2, 2008 Permalink | Reply

    Мик-джан, от души поздравляю! Пусть растет здоровой, счастливой на радость маме и папе! :)

  • 

    hildurbok 14:56:05 on September 1, 2008 Permalink | Reply

    Masjusik kakaja :) Solnishko!

  • 

    frizzzy 13:46:55 on September 1, 2008 Permalink | Reply

    de ari u hangist mna, nenc kgzeeey:)) mruta:))

  • 

    Maro 13:34:26 on September 1, 2008 Permalink | Reply

    Красавица!!!

  • 

    frizzzy 12:11:07 on September 1, 2008 Permalink | Reply

    вай мернем джанин, инч лавнаааа:)))

    • 

      mk 13:28:36 on September 1, 2008 Permalink | Reply

      Марус, хангист! Релааааакс (:

  • 

    solar_light 06:35:06 on September 1, 2008 Permalink | Reply

    какая лялечка!!!

  • 

    nicebear 21:28:29 on August 31, 2008 Permalink | Reply

    какие милые прическа и улыбка!! :)
    и подушка почти как ямайский флаг :)
    с опозданием поздравляем!

    • 

      mk 21:33:56 on August 31, 2008 Permalink | Reply

      Спасибо, Оль (: Как вы сами?

      • 

        nicebear 07:29:09 on September 2, 2008 Permalink | Reply

        мы хорошо, спасибо :)
        п.с. кажется до меня дошло, зачем нужно писать мейл ))) чт

  • 

    Женя 00:43:03 on August 31, 2008 Permalink | Reply

    Мик, это твой?:)

    • 

      mk 11:22:34 on August 31, 2008 Permalink | Reply

      Ага (: тока это девочка (:

  • 

    jpit 16:30:50 on August 30, 2008 Permalink | Reply

    Как у тебя тут все красиво!

    • 

      mk 11:23:20 on August 31, 2008 Permalink | Reply

      Ага (:

  • 

    Anonymous 10:39:15 on August 30, 2008 Permalink | Reply

    Միկ ջան, “ա” տառից հետո լսվող “յ”-ն անպայման գրվում է, ուղղի, չի կարդացվում։

    • 

      mk 13:09:59 on August 30, 2008 Permalink | Reply

      Շնորհակալություն, ուղղեցի։

  Reply Click here to cancel reply.

  Name (required)

  Email (required)

  Web Site

   
• 

  mk 16:10:00 on December 11, 2007 Permalink | Reply
  Tags: Արմեն Մովսիսյան   

  Արտագաղթ // Արմեն Մովսիսյան

  Ուր ենք գնում այսօր մենք մեր մայր հողից
  Միթե մեր ցավը մեզ հերիք չէ
  Ուր ենք չվում այսօր մենք երկնքից
  Միթե արցունքը մեր մեզ հերիք չէ
  Միթե մեր պապերը իզուր են երգել՝
  Քելե, լաո, քելե էրթանք մեր երկիր։

  Գաղթի ճամփեքը մեզ տուն են դարձել
  Հույսի ճամփեքը դարձել են մոխիր
  Ու սև մոխրից մենք վեր ենք հառնում
  Քարացած ցավից նոր աշխարհ ենք կերտում
  Հայոց աչքերը գարունն ենք փնտրում
  Հայոց արցունքից արև ենք քամում

  Իսկ մենք գնում ենք նորից մայր հողից
  Միթե մեր ցավը մեզ հերիք չէ
  Ուր ենք չվում այսօր մենք երկնքից
  Միթե արցունքը մեր մեզ հերիք չէ
  Հայոց սարերը ասեք ում ենք թողնում
  Միթե մեր վիշտը մեզ հերիք չէ

  Ա՜խ, ինչ շուտ ենք ամեն ինչ մենք մոռանում
  Գաղթի ճամփեքը գուցե հերիք չեն
  Գաղթի արևը նույն գույնն ունի
  Բայց հայկական արև էլ չկա
  Օտար ծովերը ինչ գույն էլ լինեն
  Առանց Գեղամածովի Հայաստան չկա

  Չեմ անիծում ես ձեզ, դե բարի ճամփա
  Թող արևը ձեր ձեզ հավերժ շողա
  Բայց ուր էլ լինեք դուք միք մոռանա
  Ամբողջ աշխարհում Հայաստան էլ չկա
  Էլ ուրիշ չկա, Էլ ուրիշ չկա
  Հայաստան էլ չկա…

  [ mp3 | 6,07Mb ]

  PS. Ինչպես միշտ երախտապարտ կլինեմ տառասխալները մատնանշելու համար…

   
• 

  mk 17:23:00 on September 4, 2006 Permalink | Reply
  Tags: Արմեն Մովսիսյան   

  Զինվորի երգը // Արմեն Մովսիսյան

  Արևն արդեն մոտեցել էր մայրամուտին
  Դաշտում մի անմեղ լռություն էր տիրում
  Ու միայն վերքերը վիրավոր հողի
  Հուշում էին որ դեռ պատերազմ է գնում
  խրամատի մեջ մի պատանի զինվոր
  Կարոտով նամակ էր գրում
  Նա հիշում էր տունը հայրենի
  Ցվարած հայոց լեռներում

  Մի լացիր իմ մայրիկ
  Սպասիր ինձ և ես կգամ
  Ես քեզ շատ եմ սիրում
  Կարոտել եմ, իմ մայրիկ,
  Ես հիշում եմ խոսքերը քո՝
  Սիրել հողը մեր հայրենի
  Ես հիշում եմ արցունքները քո,
  Երբ պատմում էիր ջարդերի մասին
  Ես հիշում եմ տունը մեր
  Մեր բակի բարդին ծերացած
  Ես հիշում եմ խոխոջն առվակի
  Ու մանկական խաղերս անցած

  Ու լսվեց հրաման մի ոռոտ դղրդցած
  Ծանր արկերի տակ հողը տնքած
  Ձեռքին հրացան, նամակը ծոցում պահած,
  Տղան առաջ նետվեց ատամները սեղմած

  Պետք էր անցնել ընդամենը հարյուր
  Լոկ հարյուր քայլ հայրենի հողի
  Բայց ինչքան կարճ են քայլերը խաղաղ
  Եվ ինչքան երկար դաշտում այս կռվի
  Ու հանկարծ կարծես լռեց ամեն ինչ
  Տղան հնձված հասքի պես ընկավ
  Ձեռքերում սեղմած նամակը պահած
  Հայացքը ուղղված կապույտ երկնքին

  Նա նայում եր կապույթ երկնքին
  Ու հիշում էր տունը հայրենի
  Ու բակի բարդին ծերացած
  Որի տակ մայրը կսպասի նամակին

  Արևն արդեն մոտեցել էր մայրամուտին
  Հրետանու ձայնը լսվում էր հեռվում
  Ու միայն մահամերձ ընկած հայորդին
  Հայոց լեռների երգն էր երգում՝

  Թռչեի մտքով տուն
  Ուր իմ մայրն է արդուն

  [ mp3 | 5,9Mb ]

   
• 

  mk 13:54:00 on July 26, 2006 Permalink | Reply
  Tags: Արմեն Մովսիսյան   

  Մենախոսություն // Արմեն Մովսիսյան

  
  Քարը կործան ժամանակի
  Քամին գուցե մի օր տանի
  Իմ երգը այս , իմ երգը այս
  Ու դարերի բացված դռներն
  Ինձ ել տանեն անվերադարձ, անվերադարձ
  Բայց խաչերից մնահավատ,
  Կեղծ կուռքերից մնափոշի,
  Ասպետներից մի հուժ պայծառ
  Հին քաղաքին մի լուռ գիշեր ու երգ հույսի

  Իսկ ասպետներն այսօր լռել են
  Մատնել գիշերն անտերության
  Հիմա ուրիշ բարքեր են
  Քաղաքն հիվանդ է լրբությամբ
  Հիմա ուրիշ խաղեր են
  Տալիս ներգև ու վերևից
  Ցերեկն արդեն ծախել են
  Գոնե թողեք գիշերը ինձ
  Գոնե թողեք գիշերը,
  Որ երգերից ես արթնանամ
  Գոնե թողեք գիշերը,
  Որ աստղերին ես մոտենամ
  Թեկուզ խռթնած քաղաքը
  Պոռնիկներին դարձավ անկյուն
  Ես կփնտրեմ իմ երգը
  Աստղաշփոթ քո երկնքում
  Գիշեր ես քո պահակն եմ
  Հավերժ աստղիդ անցվոր վկան
  Ես հասարակ մի երգահան եմ,
  Որ պիտ երգեմ ջնջվեմ գնամ
  Թեքուզ խամրի իմ ճիչը
  Կամ ել մնա երգից մի հանգ
  Ես կաղոթեմ որ կա այդ քիչը
  Գիշերներով երգված մի կյանք

  Իսկ ասպետները լռել են
  Մատնել գիշերն անտերության
  Հիմա ուրիշ բարքեր են
  Քաղաքն հիվանդ է լրբությամբ
  

  upd: [ mp3 | 4.9 Mb ]

  ps: остальные песни Армена Мовсисяна в моем журнале.
  Кстати набрано на слух, так что любые поправки приветствуются (:

   
• 

  mk 09:18:03 on April 24, 2006 Permalink | Reply
  Tags: lyrics (5), music (14), Արմեն Մովսիսյան   

  Անձրև // Արմեն Մովսիսյան

  Անձրև, արդեն քո երգը չեմ լսում
  Ծածուկ ինչ պատմություն ես շշնջում
  Վաղուց անմիտ թափառելու
  Ու օրս քեզ հետ կիսելու կարիք չունեմ
  Անձրև կաթիլներիդ հետ խառնված
  Էլ չեմ ճախրում սիրուց հարբած
  Ինչն է փոխվել, ինչն է փոխվել

  Անձրև, թել–թել մի կյանք է հավաքվում
  Այրվում ու տող առ տող նոր երգ դառնում
  Անձրև մաղիր դեմքիս տաք զնգոցով
  Որ իմ սառած երակներում գարուն հոսի
  Ցնորք ես արարել եմ ու երգել
  Թե խաղացել եմ ու պարտվել
  Ինչն եմ ապրել, ինչն եմ ապրել

  Անձրև, մեկ տողը քեզ, մեկ տողը ինձ
  Անլույս իմ հուշերից պոկի նոր ճիչ
  Զարթնիր դաղիր թափով իմ լարերին
  Որ չորացած իմ շուրթերից երգեր ծորան
  Անձրև, միթե գարունս է խլանում
  Ես չգիտեմ ուր եմ գնում,
  Ինչ եմ կորցրել, ինչ եմ փնտրում։

  [ mp3 | 4,47Mb ]

  PS. А вот и дождь… (:

   
• 

  mk 11:49:00 on April 19, 2006 Permalink | Reply
  Tags: Արմեն Մովսիսյան   

  Ռանչպարի երգը // Արմեն Մովսիսյան

  Գերանդին ուս առնիմ
  Գյուղի միջով անցնիմ
  Սարի դոշով իջնիմ
  Արտի փեշին հասնիմ
  Սարի դոշով իջնիմ
  Արտի փեշին հասնիմ

  Արտի հունձը պրծնիմ
  Ծառի հովին նստիմ
  Տաք լավաշը պոկեմ
  Պանիրը բրդուչ էնեմ
  Տաք լավաշը պոկեմ
  Պանիրը բրդուչ էնեմ

  Ոտս քարին զարկեմ
  Առվիծ պաղ ջուր խմեմ
  Զուլալ ջուրը սարի
  Ջիգյարս հով կանի
  Զուլալ ջուրը սարի
  Ջիգյարս հով կանի

  Արտի հունձը պրծնեմ
  Գոյւղի ճամպեն բռնեմ
  Փունջմը ծաղիկ քաղեմ
  Յարիս նվեր տանեմ
  Փունջմը ծաղիկ քաղեմ
  Յարիս նվեր տանեմ

  [ mp3 | 2Mb ]

   
• 

  mk 09:56:00 on April 5, 2006 Permalink | Reply
  Tags: Արմեն Մովսիսյան   

  Վեր կաց // Արմեն Մովսիսյան

  
  Վեր կաց, եղբայր իմ, երգս կիսեմ քեզ հետ,
  Վեր կաց, եղբայր իմ, ցավը կիսենք մեկ տեղ,
  Սառած մարմնիդ ես հուր կտամ,
  Իսկ երգերին թևեր կտամ,
  Ու քեզ տանեմ մեր սարերով,
  Ու քեզ տանեմ մեր լեռներով,
  Ցույց տամ երկինքը մեր, Մասիսը ալերում,
  Տունը, հայրենի մեր տունը:

  Վեր կաց, եղբայր իմ, նոր օրն է արթնացել
  Վեր կաց, եղբայր իմ, նոր կյանքն է շունչ առել
  Կապույտ երկնի աննմար արքան
  Անտառների կանաչ հսկան
  Իսկ քեզ տանեմ մեր սարերով,
  Իսկ քեզ տանեմ մեր լեռներով,
  Ցույց տամ երկինքը մեր, Մասիսը ալերում,
  Տունը, հայրենի մեր տունը:
  Բարձրացրու գլուխդ՝ զինվոր,
  Բաց արա հոգնած կոպերդ,
  Քո սխրանքն անմահ է,
  Քո անունը մեր սրտերում։

  Վեր կաց, եղբայր իմ, զանգերը չեն լռել,
  Վեր կաց, եղբայր իմ, մեր երգը չենք գրել,
  Կիսատ երքիդ նոր տող թելեմ,
  Կիսատ զարկիք նոր զարկ ձուլեմ,
  Ու քեզ տանեմ մեր սարերով,
  Ու քեզ տանեմ մեր լեռներով,
  Ցույց տամ երկինքը մեր, Մասիսը ալերում,
  Տունը, հայրենի մեր տունը:

  Ու քեզ տանեմ մեր սարերով,
  Ու քեզ տանեմ մեր լեռներով,
  Ցույց տամ երկինքը մեր, Մասիսը ալերում,
  Տունը, հայրենի մեր տունը:
  

  [ mp3 | 6Mb ]
  [ Youtube link ]

   
• 

  mk 00:43:00 on September 20, 2005 Permalink | Reply
  Tags: Արմեն Մովսիսյան   

  Քեզ ցանկանում եմ // Արմեն Մովսիսյան

  
  Ես քեզ ցանկանում եմ անլուսին գիշեր
  Որ ճրակ վառեմ պատուհանիդ տակ
  Ու ճրակի պես միջև վերջ այրվեմ
  Անհամբեր սպասեմ հաջորդ գիշերվա

  Ես քեզ ցանկանում եմ երկարող ձմեռ
  Որ իմ տաք շնչով սառույցդ հալեմ
  Ձնծաղիկ դարձած նոր գարնան երգով
  Քո ջերմ շուրթերը նորից համբուրեմ

  Ես քեզ ցանկանում եմ ալեկոծ օվկիան
  Որ կռծքով բոլոր հողմերը ճեղքեմ
  Արագաստ պարզեմ, գտնեմ ապաստան
  Որ ալիքները փեշերիդ չհասնեն

  Ես քեզ ցանկանում եմ ցամակած աղբյուր
  Որ երակներս ծարավդ մեղմեն
  Ու ես խենթացած քեզ գրկեմ ամուր
  Փակվող աչքերիս մեջ պատկերդ պահեմ

  Ես քեզ ցանկանում եմ կախարդված շրջան
  Ուր սերս և վերջ և նոր սկիզբ լինի
  Ու փորձեմ գնտել հարցիս պատասխան
  Դու խենթությունս ես թե աղոթքն ես իմ
  

  [ mp3 | 5Mb ]

   
• 

  mk 15:33:00 on September 10, 2005 Permalink | Reply
  Tags: Արմեն Մովսիսյան   

  Ձոն խելագարության // Արմեն Մովսիսյան

  Խելագարին տվեք կրակ, և նա կայրի տունը Աստծո,
  Սուտ խոսքերին` լույսի դիմակ, ու կփլվի տաճարն հուսո,
  Խեղդված մարմնին կեղծ ողջություն, նա կկառչի չեղած ձեռքից,
  Անկյանք քարին` հղիություն, ու կմեռնի հողը ցավից,

  Օտար աստղին տվեք անուն, բայց կարոտը չի սպիանա
  Երազներում տեսեք հեռուն, թե դա կօգնի ջնջել ներկան,
  Դարերի մեջ ձգված դավին անվանեցեք լոկ պատմություն,
  Մայրամուտի որբ արևին արյամբ կնքեք խաղաղություն,

  Հետո մեռած հույսեր թաղեք հողի անկյանք անծիլ սրտում
  Աստվածների տունը փնտրեք հուսո փլված տաճարներում
  Խելագարին տվեք կրակ, և նա կայրի տունը Աստծո…
  

  [ mp3 | 3,9Mb ]

   
• 

  mk 15:11:00 on September 10, 2005 Permalink | Reply
  Tags: Արմեն Մովսիսյան   

  Իմն են // Արմեն Մովսիսյան

  Իմն են, իմն են արթնացած հուշերս։
  Իմն են, իմն են Ճերմակած մազերս,
  Դալկադեմ լուսինը, որ իմ սերն եր օրորում։
  Ու հալվող մոմերը, որ գիշերս էին փորփրում։Որ գրեմ երգերս, քավեմ իմ մեղքերը։
  Կեղծիքին երգում բաժին չտամ։
  Երբ գիշերն երկար է, գինովցած խելառ է
  Ուրեմն ինձ կհասկանա…

  Իմն են, իմն են անկատար հույսերս։
  Իմն են, իմն են ընկերներիս ուսերը,
  Որ ինձ պահում են, երբ երազս է ցնօրված,
  Որոնց հենվում են, երբ օրերս են խռոված

  Որ գրեմ երգերս, քավեմ իմ մեղքերը։
  Կեղծիքին երգում բաժին չտամ։
  Երբ գիշերն երկար է, գինովցած խելառ է
  Ուրեմն ինձ կհասկանա…

  Իմն է, իմն է այս տարօրինակ աշխարհը
  Իմն է, իմն է անկապ խրտին այս կյանքը
  Ու տարիներս, որ դեմքիս են մտրակվում
  Ու իմ երգերս, որոնք լավ չեն հասկանում

  Իսկ ես գրեմ նորերը, քավեմ իմ մեղքերը։
  Կեղծիքին երգում բաժին չտամ։
  Երբ գիշերն երկար է, գինովցած խելառ է
  Ուրեմն ինձ կհասկանա…

  [ mp3 | 6,3Mb ]

   
• 

  mk 15:31:00 on September 7, 2005 Permalink | Reply
  Tags: Արմեն Մովսիսյան   

  Փխրուն սերս // Արմեն Մովսիսյան։

  
  ես գիտեմ, իմ անգին, որ լողում եմ անլույս,
  բայց կանգնել ես կողքիս ու տալիս ես ինձ հույս
  դու տալիս ես թևեր իմ խելառ երգերին
  հուզմունքից այլայլվում, երբ ելնում եմ բեմին
  ու տանում քո փխրուն ուսերով մեղեդիսդու իմ գիշերն ես
  դու իմ նոր երգն ես
  առանց քեզ չեմ կարող
  գիժ քամին բռնեմ;

  ես տեսել եմ անդինդ արցունքներդ թաքուն
  խճճված հուսահատ օրերի ծուղակում։
  հասկացել իմ անգին՝ սերն ինչքան է փխրուն
  իմը երգեր գրած, երբ աշխարհն են քանդում,
  բայց տարար քո փխրուն ուսերով մեղեդիս։

  դու իմ գիշերն ես;
  դու իմ նոր երգն ես;
  առանց քեզ չեմ կարող
  գիժ քամին բռնեմ;

  ես գիտեմ, իմ անգին, տարիներս են անցնում
  ճերմակել եմ արդեն, բայց նույն խենթն եմ մնում։
  զավակներս գուցե ինձ այնպես չհասկանան,
  բայց գիտեմ չես թողնի, որ մենակ ես լողամ,
  ու թե վերջն է գալու առաջինը գնամ

  դու իմ գիշերն ես;
  դու իմ նոր երգն ես;
  առանց քեզ չեմ կարող
  գիժ քամին բռնեմ

  [ mp3 | 6,3Mb ]